Naven dall’entschatta digl onn da scola 2013/2014 ha mintga scolara e mintga scolar dil scalem superiur da Laax/Falera retschiert siu iPad persunal. Quei ei el medem mument stau il start dil project ‘iPad en scola’ dalla scola Laax/Falera. La finamira da quei project ei l’integraziun pedagogic/didactica dallas medias ell’instrucziun.

Naven da quei mument ei l’instrucziun el scalem superiur semidada e l’integraziun dallas medias ei carschida meins per meins. Igl ei buca iu ditg ch’igl iPad ei staus integraus sco mied per emprender ed instruir. Las scolastas ed ils scolasts han aschia la caschun da rimnar experientschas praticas digl adiever dallas medias ell’instrucziun.