Programmar – di da medias ils 29.01.2019 ella Scolaviva a Laax
Scolaras e scolars dalla 5 e 6avla classa da Laax ein vegni introduci el mund da programmar. Els han absolviu treis luvratoris cun Jürg Marguth, Peter Kreiliger e Laurent Sedano:
- Programar 1: anflar ils dretgs camonds
- Programar 2: scriver cul lungatg magic
- Programar 3: reglas e valurs per programmar
L’instrucziun ha entschiet la damaun cul beinvegni da Giusep Carigiet, pedagog da medias dalla scolaviva. Scolaras e scolars han silsuenter fatg ils emprems pass per emprender las cumpetenzas d’informatica MI.2.2 (algoritems) tenor plan d’instrucziun 21.
Programar 1: anflar ils dretgs camonds
Il principi dil programar vegn buc mo practicaus el mund digital. Programmar endretg munta en emprema lingia da dar ils dretgs camonds. Scolaras e scolars fan differents exercezis cun camonds ed emprendan sco far ina retscha da camonds.
La app „Swift Playground“ porscha ad els exercezis per programar differents camonds. Els emprendan d’enconuscher la basa dil lungatg da programmar „Swift“ ch’ei il lungatg da programmar pils products dad Apple (i-phone, i-Pad, etc).
Programar 2: scriver cul lungatg magic
Programmar ei in lungatg da code cun segns specials ed ina atgna sintaxa. Scolaras e scolars s’approfundeschan el lungatg da code e vesan, ch’era la pagina d’internet dalla Scolaviva funcziuna funciuna cun code. Els scrivan entginas lingias da code ed empremas funcziuns ella app „Swift Playground“.
Sch’il code vegn screts falliu, enconuschan ils scolars la dretga metoda da „debugging“, dad anflar ora il sbagl el code.
Programar 3: reglas e valurs per programmar
Cun programmar san ins caschunar grond donn buc mo el mund digital, mobein era a persunas ed interpresas („hacking“). Mintgin che programmescha, sto enconuscher las reglas specificas e surprender responsabladad.
Scolaras e scolars emprendan quellas reglas e fan in codex, sco risguardar ils cunfins el mund da programmar.
