Il plan d’emprender da educanet2.ch ei in instrument che gida la scolasta/ il scolast ad organisar in’instrucziun idividualisada. Ils pensums vegnan pereparai e planisai ordavon en quei plan. En purziuns preparadas dallas scolasta /dil scolast elavuran els individualmein quels pensums e dattan lu era giu tals cun agid da quei instrument (a moda digitala ni era analoga).

Il scolar sa aschia planisar sia lavur e luvrar en siu tempo individual. Ha el finiu in pensum spetga gia il proxim. Ils pensums ein construi aschia ch’els drovan buca grondas declaraziuns. Drova ei inputs, sche fa il scolast quels el plenum ni cun ina gruppa.

Il scolast ha la puseivladad da prender investa el pesnums e resultats dils scolars e sa dar ad els fee-backs schibein orals sco era digitals – gest tenor finamira dil pensum.

Nus havein elavurau la circa la mesadad da noss’instrucziun da romontsch sin quella via. All’entschatta drova ei empau disciplina davart tut ils pertuccai. Cuninagada funcziuna quella fuorma da luvrar detg bein.

Las fotografias giusut duein dar a ti in’impressiun dallas pusseivladas. Vuls ti aunc dapli informaziuns sas ti bugen sunadar il link. Quel meina tei tier informaziuns detagliadas davart il plan d’mprender (Lernplan) d’educanet2.ch.